Aýa raıynyń buzylýyna baılanysty jeti óńirde eskertý jarııalandy

ASTANA. QazAqparat - Qazgıdromet sınoptıkteri 26 qańtar, beısenbi kúni birqatar óńirde aýa raıyna baılanysty eskertý jarııalady, dep habarlaıdy QazAqparat.

26 qańtarda Jetisý oblysynyń Alakól kólderi aýdanynda ońtústik-shyǵystan jel soǵady, ekpini - 15-20, keı ýaqytta 23-28 m/s.

26 qańtarda Aqtóbe oblysynyń soltústiginde, shyǵysynda tuman túsedi.

Astana qalasynda ońtústik-batystan jel soǵady, kúndiz jel qarqyny 15-18 m/s jetedi.

26 qańtarda Pavlodar oblysynyń soltústiginde, batysynda, shyǵysynda jaıaý burqasyn kóteriledi. Ońtústik-batystan jel soǵady, oblystyń soltústiginde, batysynda jel jyldamdyǵy 15-20 m/s deıin kúsheıedi.

26 qańtarda Aqmola oblysynyń batysynda, soltústiginde, shyǵysynda jaıaý burqasyn soǵady. Túnde jáne tańerteń oblystyń ońtústiginde, batysynda kún tumandy bolady. Ońtústik-batystan jel soǵady, oblystyń batysynda, soltústiginde, shyǵysynda jel ekpini - 15-20 m/s.

26 qańtarda Qyzylorda oblysynyń ortalyǵynda tuman túsedi.

26 qantarda Soltústik Qazaqstan oblysynyń soltústiginde, shyǵysynda jaıaý burqasyn soǵady. Ońtústik-batystan, batystan jel turady, túnde oblystyń soltústiginde, shyǵysynda, ońtústiginde ekpini - 15-20 m/s, kúndiz oblystyń basym bóliginde - 15-20 m/s, oblystyń ońtústiginde - 23 m/s.