Aýa raıyna baılanysty tótenshe jaǵdaıdan 6 adam zardap shekti

NUR-SULTAN. QazAqparat – Tótenshe jaǵdaılar mınıstrligi bir táýlik ishinde 814 adam, onyń ishinde 101 bala jáne 3 júkti áıel qutqaryldy, dep habarlaıdy QazAqparat.

Ótken táýlikte qutqarý bólimsheleri Nur-Sultan qalasy, Aqmola, Aqtóbe, Qaraǵandy, Qostanaı oblystarynda 814 adamdy, onyń ishinde 101 bala jáne 3 júkti áıel qutqaryldy jáne evakýatsııalandy. Avarııalyq-qutqarý jumystaryna TJM,ІІM, jergilikti atqarýshy organdar men jol qyzmetterinen 539 adam jáne 277 birlik tehnıka jumyldyryldy.

Aqmola, Qaraǵandy, Pavlodar, Qostanaı oblystarynyń jylytý pýnktterinde 89 adam, onyń ishinde 11 bala bar.

Sonymen qatar Nur-Sultan, Almaty qalalarynda, Aqmola, Almaty, Aqtóbe, Atyraý, Jambyl, Qaraǵandy, Qyzylorda, Pavlodar jáne Soltústik Qazaqstan oblystarynda qatty daýyldy jeldiń saldarynan shatyrlardyń buzylýy men aǵashtardyń qulaýy, sondaı-aq elektr energııasynyń ishinara ajyratylýy oryn aldy. Nur-Sultan, Almaty qalalarynda jáne Almaty oblysynda tótenshe jaǵdaılardyń saldarynan 6 adam, onyń ishinde 3 bala zardap shekti.

Eske salsaq, buǵan deıin habarlanǵandaı Qazaqstannyń Shymkentten basqa barlyq óńirinde daýyldy eskertý jarııalandy.