Aýa raıyna baılanysty birqatar oblysta sý tasqyny qaýpi saqtalady - TJM

ASTANA. QazAqparat - «Qazgıdromet» RMKQ tórt aımaqtyń aýa raıyna qatysty eskertý jasady, dep habarlaıdy QazAqparat.

Sınoptıkterdiń deregine qaraǵanda, 4-10 aqpan aralyǵynda Almaty, Jambyl, Jetisý jáne Túrkistan oblystarynda qar aralas jańbyr jáne qatty jaýyn-shashyn túsýi múmkin.

«Sondaı-aq temperatýranyń kúrt joǵarylaýyna baılanysty qar men muzdyń tez erýi, betkeıden sý aǵyny jáne ózen deńgeıleriniń kóterilýi yqtımal. Bul rette sýdyń jaıylýy jáne tasqyny bolýy múmkin», - dep jazdy Qazgıdrometten.

Al TJM azamattarǵa óz úıleriniń aýla aımaqtaryn qardan, aryqtardy qoqys pen muzdan ýaqytyly tazartý qajettigin eske salady.

Sý deńgeıi kóterilgen jaǵdaıda 112 telefonyna habarlasý qajet.