Aýa raıynyń kúrt nasharlaýynan eki oblysta kólik qozǵalysy shekteldi

<p>ASTANA. KAZINFORM — Elimizdiń batys óńirindegi eki oblysta aýa raıynyń kúrt ózgerýine baılanysty joldar jabyldy, dep habarlaıdy «QazAvtoJol» UK.</p>

Atyraý oblysy:

— 2025 jylǵy 13 qańtarda saǵat 21:15–dan bastap Atyraý oblysynda aýa raıynyń qolaısyzdyǵyna baılanysty «Atyraý-Oral» avtojolynyń 14-189 shaqyrym aralyǵynda (Almaly aýylynan Inder aýdanyna deıin) kóliktiń barlyq túriniń qozǵalysyna shekteý qoıylady. 2025 jylǵy 14 qantar saǵat 00:00–de joldy ashý josparlanǵan. 

— 2025 jylǵy 13 qańtarda saǵat 23:20–dan bastap Atyraý oblysynda aýa raıynyń qolaısyzdyǵyna baılanysty «Aqtóbe — Atyraý — RF shek.» avtojolynyń 621-830 shaqyrym aralyǵynda (Atyraý qalasynan Qurmanǵazy aýylyna deıin) kóliktiń barlyq túriniń qozǵalysyna shekteý qoıylady. 2025 jylǵy 14 qantar saǵat 04:00–de joldy ashý josparlanǵan. 

Batys Qazaqstan oblysy:

— 2025 jylǵy 13 qańtarda saǵat 22:30–dan bastap Batys Qazaqstan oblysynda aýa raıynyń qolaısyzdyǵyna baılanysty «Aqtóbe — Oral — RF shek. (Syrym ó/p)» avtojolynyń 195-248 shaqyrym aralyǵynda (GAI postynan RF shekarasyna deıin) kóliktiń barlyq túriniń qozǵalysyna shekteý qoıylady. 2025 jylǵy 14 qantar saǵat 06:00–de joldy ashý josparlanǵan. 

— 2025 jylǵy 13 qańtar saǵat 23:00–da Batys Qazaqstan oblysynda aýa raıynyń buzylýyna baılanysty kelesi avtomobıl joldarynda kóliktiń barlyq túriniń qozǵalysyna shekteý qoıyldy.

1. «Aqtóbe — Oral — RF shek. (Syrym ó/p)» avtojolynyń 273-392 shaq., (Barbastaý aýylynan Jympıty aýylyna deıin);

2. «Atyraý-Oral» avtojolynyń 372-492 shaq., (Chapaı aýylynan Oral qalasyna deıin).

Joldardy 2025 jylǵy 14 qańtar saǵat 06:00–de ashý josparlanǵan.

Aıta keteıik, 1403 baılanys ortalyǵyna habarlasyp, táýlik boıy jolǵa qatysty qosymsha aqparat alýǵa bolady.

Buǵan deıin aýa raıyna baılanysty Batys Qazaqstanda úsh avtojol jabylǵany habarlandy.