Aýa raıynyń qolaısyzdyǵyna baılanysty Qaraǵandy oblysynda joldar jabyldy

<p>ASTANA. KAZINFORM &mdash; 12 qazanda saǵat 19:00&ndash;de aýa raıynyń buzylýyna baılanysty &laquo;Ekaterınbýrg-Almaty&raquo; avtojolynyń 1291-1426 shaqyrymy aralyǵyndaǵy Astana-Temirtaý baǵytynda sondaı-aq &nbsp;&laquo;Qyzylorda-Pavlodar&raquo;, &laquo;Qaraǵandy-Aıagóz-Boǵaz&raquo; baǵytynda avtokóliktiń barlyq túriniń qozǵalysyna shekteý qoıylady. Bul týraly QazAvtoJol ulttyq kompanııasynyń baspasóz qyzmeti málim etti.</p>

12 qazanda saǵat 19:30–da aýa raıynyń buzylýyna baılanysty «Qyzylorda-Pavlodar» avtojolynyń 967-1135 shaqyrymynda (Qaraǵandy q. — Pavlodar oblysynyń shekarasy) jáne «Qaraǵandy-Aıagóz-Boǵaz» avtojolynyń 17-217 shaqyrymynda (Qaraǵandy q. — Qarqaraly q.) avtokóliktiń barlyq túriniń qozǵalysyna shekteý qoıylady. Pavlodar oblysynda aýa raıynyń buzylýyna baılanysty Qaraǵandy oblysynda «Qyzylorda-Pavlodar» avtojolynyń 1135-1206 shaqyrym aralyǵyndaǵy Qaraǵandy oblysynan Shıderti aýylynyń shekarasyna deıingi ýchaskede avtokóliktiń barlyq túriniń qozǵalysyna shekteý qoıyldy.

«Qaraǵandylyqtar! Ózderińi kórip otyrǵandaı aýa raıy nasharlap barady. Qaraǵandy — Astana tas joly jabyldy, jol polıtsııa narıadtary qoıyldy. Qazirgi ýaqytta qalyń qar jaýyp tur, jel búıirden soǵyp, aýa temperatýrasy -6 gradýsqa deıin tómendeıdi dep kútiledi. Qalada barlyq avtokólik joldary men magıstral joldaǵa qum-tuz qospasyn sebý jumystary jedel júrgizilýde. Bul jumystar toqtaýsyz jalǵasatyn bolady. Qurmetti kólik júrgizýshileri jolda óte muqııat bolýlaryńyzdy suraımyn. Múmkindik bolsa, jazǵy shınalardy qysqyǵa aýystyryp úlgerińizder», — dep úndeý jasady Qaraǵandy qalasynyń ákimi Meıram Qojyqov áleýmettik jelidegi paraqshasyna.