Aýa raıyna baılanysty eki oblysta jol qozǵalysy shekteldi

<p>ASTANA. KAZINFORM &mdash; Búgin saǵat 17:00&ndash;de Jambyl men Túrkistan oblystarynda kún raıynyń buzylýyna baılanysty birneshe baǵytta jol qozǵalysyna shekteý engizildi. Bul týraly QazAvtoJol málimdedi.&nbsp;</p>

Jambyl oblysynda respýblıkalyq mańyzy bar «Almaty-Tashkent-Termez» avtojolynyń 535-593 shaqyrym aralyǵynda (Aısha bıbi aýylynan Túrkistan oblysynyń shekarasyna deıin) júk kólikteriniń qozǵalysyna shekteý qoıyldy.

Al, Túrkistan oblysynda respýblıkalyq mańyzy bar «Almaty-Tashkent-Termez» avtojolynyń 593-620 shaqyrym aralyǵynda (Jambyl oblysynyń shekarasynan Turar Rysqulov aýylyna deıin) júk kólikteriniń qozǵalysy shekteldi.

Buǵan deıin habarlanǵandaı, aldaǵy 3 kúnde qar jaýyp, burqasyn bolady.