Aýa raıyna baılanysty Almaty áýejaıynda ushaqtyń qonýy qıyndady

<p>ALMATY. KAZINFORM &ndash; Almaty halyqaralyq áýejaıyna birneshe ushaq birden qona almady. Oǵan aýa raıynyń qolaısyzdyǵy sebep boldy.&nbsp;</p>

Air Astana kompanııasynyń málimetinshe, KC 932 Bangkok-Almaty reısin oryndaǵan ushaq naızaǵaı men jeldiń kúsheıýinen baılanysty aınalyp kelýge májbúr boldy. Ekinshi ret jasaǵan áreketinde áýe kemesi shtattyq rejımde qondy.

FlightRadar qyzmetiniń habarlaýynsha, Shardjadan Air Arabia G9 251 jáne Tashkentten Air Astana KC 128 reısteri de qona almaı júrgen. Sonyń saldarynan BAÁ-den ushatyn reıs sál keshiktirildi. 

Almaty halyqaralyq áýejaıynyń baspasóz qyzmeti, kún raıynyń qolaısyzdyǵyna baılanysty, reısterdiń keshigýi múmkin ekenin eskertti.

«Qazgıdromenttiń boljamyna sáıkes, saǵat 14:40-tan 19:00-ge deıin daýyldy jaýyn-shashyn bolady dep kútilgen. Jeldiń ekpini sekýndyna 15 metrge jetip, kórý múmkindigi nasharlaıdy. Osyǵan oraı, reıster keshigýi múmkin. Ushý nemese qoný týraly sheshimdi áýe kompanııa ekıpajdary qabyldaıdy», - dep habarlady áýejaıdan.

Eske salsaq, buǵan deıin Almatyda qyrkúıekke deıin taǵy bir kóshe jabylatynyn jazǵan edik.