Aýa baptaǵyshty jıi qoldanýdyń zııany qandaı - dáriger keńesi

<p>ALMATY. KAZINFORM &ndash; Almaty №36 qalalyq emhanasynyń dárigeri Baljan Jaqsylyq aýa baptaǵyshty únemi qoldanýdyń adam aǵzasyna qandaı keri áseri bolýy múmkin ekenin aıtty.</p>

- Joǵary temperatýra ásirese júrek aýrýy, qant dıabeti jáne tynys alý problemalary sııaqty sozylmaly aýrýlary bar adamdar úshin qaýipti. Ystyqta olardyń jaǵdaıyn muqııat baqylaý kerek. Ystyq aýa raıy kezinde dene terleý arqyly kóp ylǵaldy joǵaltady. Sondyqtan sýdy jetkilikti mólsherde ishý arqyly ylǵaldandyrýdy saqtaý óte mańyzdy, - dedi dáriger.

Aýa baptaǵyshtyń teris áseriniń aldyn alý úshin maman keńesi:

- Jeldetkishti 5-7 gradýstan aspaıtyn aıyrmashylyqpen qosý usynylady. Óıtkeni úlken gradýstyq aıyrmashylyq ımmýndyq júıesi álsiregen adamdarda sýyq tııýdi jáne sozylmaly aýrýlardyń órshýin týdyrýy múmkin.

- Jeldetkish jumys istep tursa da, taza aýany qamtamasyz etý jáne shań men bakterııalardyń kontsentratsııasyn azaıtý úshin bólmeni jıi jeldetý qajet.

- Jeldetkish aýany qurǵatady. Sondyqtan sý ylǵaldandyrǵyshty qoldaný ne úıge sý quıylǵan ydystardy qoıý usynylady.

- Gıpotermııa nemese sýyq tııýdi boldyrmaý úshin sýyq aýa aǵynyn tikeleı ózińizge baǵyttamańyz. Aýany shetke nemese joǵaryǵa baǵyttaǵan durys.