Atyraýlyqtardy aldaǵan «NurAlıKapıtal» JShS quryltaıshysy Almatydan ustaldy

ATYRAÝ. QazAqparat – Atyraý oblysynyń polıtseıleri salymshylardy aldaǵan «NurAlıKapıtal» JShS quryltaıshysyn Almaty qalasynan ustady, dep habarlaıdy QazAqparat.

Oblystyq polıtsııa departamenti baspasóz qyzmetiniń habarlaýynsha, atalǵan seriktestiktiń quryltaıshysy Almaty qalasynda ustalyp, Atyraýǵa jetkizilgen.

«Kúdiktige bıylǵy aqpanda halyqaralyq izdeý jarııalanǵan-dy. Ony atyraýlyq polıtseıler 16 maýsymda Almaty qalasynan taýyp, ustady. Ol Atyraýdaǵy salymshylardy aldap, jyljymaly múlik pen aqshany ıemdenip ketken», - deıdi oblystyq polıtsııa departamenti basshysynyń orynbasary Nurhat Orazbaev.

Onyń aıtýynsha, Atyraýda tergeý soty «NurAlıKapıtal» JShS quryltaıshysyna qatysty qamaýǵa alý sharasyn sanktsııalaǵan. Qazir polıtsııa departamentiniń jedel-tergeý toby qylmystyq isti qtergep jatyr.

Eske sala ketelik, budan buryn Atyraý polıtsııasy jarty tonnadan astam bekire tıelgen kólikti ustaǵan edi.