Atyraýlyqtar Elbasy maqalasyn iske asyrý jobalaryn usyndy
Atyraý oblysy ákiminiń orynbasary Nursáýle Saılaýovanyń atap ótýinshe, maqalada halqymyzdyń tarıhyna qatysty barlyq sátter qamtylǵan. Elbasy Uly dalanyń jeti qyry - atqa miný mádenıeti, uly daladaǵy ejelgi metallýrgııa, ań stıli, «Altyn adam», túrki áleminiń besigi, Uly Jibek joly týraly aıtty. Sondaı-aq Qazaqstan alma men qyzǵaldaqtyń otany ekendigin tilge tıek etti.
«Memleket basshysynyń «Uly dalanyń jeti qyry» atty jańa maqalasy «Bolashaqqa kózqaras: qoǵamdyq sanany jańǵyrtý» atty birinshi jobanyń jalǵasy bolyp tabylady. Bul - Ult kóshbasshysynyń qoǵamnyń rýhanı damýynyń barlyq negizgi baǵyttaryn ashatyn keńeıtilgen, neǵurlym kórneki, egjeı-tegjeıli joba», - dedi Nursáýle Saılaýova.
«Dóńgelek ústelge» qatysýshylar pikir almasyp, oblysta jobalardy júzege asyrý boıynsha óz usynystaryn ortaǵa saldy. «Saraıshyq» respýblıkalyq tarıhı-mádenı murajaı-qoryǵynyń dırektory Ábilseıit Muhtar Saraıshyq qalashyǵyn jańǵyrtý máselesin qozǵady. Jaqyn arada munda ashyq aspan astyndaǵy respýblıkalyq murajaı ashý josparlanýda.
«Biz Saraıshyqqa qatysty jáne Reseı muraǵattarynda saqtalǵan barlyq biregeı qujattardy jınaýdy josparlap otyrmyz. Sondaı-aq, 2019 jyly «Saraıshyq, Saraı-Batý jáne Saraı - Berke» aýqymdy ekspedıtsııasyn uıymdastyrǵymyz keledi», - dedi Ábilseıit Muhtar.
Onyń aıtýynsha, ártúrli elderdiń muraǵattarynan tarıhı qujattardy izdep-tabý úshin saýatty jáne bedeldi tarıhshylar tobyn qurý qajet. Qazaqstanda sońǵy jyldary jarııalanǵan tarıhı materıaldarǵa monıtorıng júrgizý qajet.
Uzaq jyldar boıy Reseı muraǵattarynda jumys istegen jáne kóptegen qyzyqty materıaldardy jınaǵan adamdardyń biri Atyraý oblysy boıynsha tarıhı-mádenı murany qorǵaý, qalpyna keltirý jáne paıdalaný jónindegi memlekettik ınspektsııanyń basshysy Muhambetqalı Kıpıev bolyp tabylady.
«Tarıhshylar men qujattanýshylar úshin «Arhıv 2025» jobasy erekshe jáne kópten kútken oqıǵa bolyp tabylady. Buǵan deıin sátti aıaqtalǵan «Mádenı mura» onjyldyq jobasynyń sheńberinde jaqyn jáne alys shetelderden halqymyzdyń tarıhy týraly kóptegen qundy qujattar tabylyp, jınaldy. Osy jobalardy iske asyrýǵa qatysý barysynda osy baǵytta júıeli jumys júrgizý qajettigine nazar aýdardym, - dedi Muhambetqalı Kıpıev.
Oblys ákimdiginiń qoldaýymen tarıhı-mádenı murany qorǵaý, qalpyna keltirý jáne paıdalaný jónindegi memlekettik ınspektsııada sońǵy tórt jylda Máskeý, Sankt-Peterbýrg, Astrahan jáne Orynbor qalalaryna arheologııalyq ekspedıtsııalar uıymdastyryldy. Onda muraǵattar men kitaphanalar qorlaryndaǵy bizdiń oblysqa qatysty tarıhı jáne mádenı qujattar jınaldy. Nátıjesinde 2014-2016 jyldary «Orys kózderindegi Atyraýdyń tarıhy men mádenıeti» atty 5 tomdyq qujattar jınaǵy jaryq kórdi.
Atyraý oblysy Qoǵamdyq keńesiniń tóraǵasy Murat Óteshov bul jumystyń bolashaq urpaq úshin mańyzdylyǵyna nazar aýdardy.
«Qupııa emes, buryn biz ózge formatsııada, basqa sapta ómir súrdik jáne aqparat aldyq. Bizdiń memlekettiligimiz týraly aqparat az boldy. Táýelsizdik jyldarynda da halqymyzdyń tarıhy, onyń myńjyldyq tarıhy týraly kóp bile almadyq. Memleket basshysynyń maqalasy barlyǵymyzǵa ótkenimizdi tanyp-bilýge jáne zerdeleýge múmkindik beredi. Qazaq memleketiniń qalyptasýy týraly barlyq aqparatty jınastyrý kerek, - dep atap ótti Murat Óteshov.
Sondaı-aq kezdesýge qatysýshylar bizdiń óńirde «Ult tarıhy» ortalyǵyn ashý týraly usynys aıtty. Onda ultymyzdyń tarıhyn kórsetý, jastardy atqa minip úırenýge, ulttyq sport túrlerine baýlý úshin at-sporttyq klýbtaryn ashý múmkindigi qarastyrylǵan.
Salt attylyq mádenıeti, Uly daladaǵy ejelgi metallýrgııa, ań stıli, «Altyn adam», túrki áleminiń besigi, Uly Jibek joly, Qazaqstan - alma men qyzǵaldaqtar otany - Prezıdenttiń aıtqan Uly Dalanyń osy qyrlary óńir turǵyndarynyń aıtylǵan jobalardyń mańyzdylyǵyn túsinýi men uǵynýynan sózsiz kórinis tabady.