Atyraýlyqtar 26 mlrd teńgeniń tegin medıtsınalyq kómegin alady
10:48, 12 Naýryz 2020
ATYRAÝ. QazAqparat –Bıyl Atyraý oblysynyń turǵyndary 26 mıllıard teńgeniń tegin medıtsınalyq kómegin alady, dep habarlaıdy QazAqparat.
Bul týraly «Mindetti medıtsınalyq saqtandyrý qory» AQ Atyraý oblystyq fılıalynyń dırektory Sábıt Quralbek málim etti.
«Atyraý oblystyq densaýlyq saqtaý basqarmasyna bıyl 39,1 mlrd teńge bólý josparlanyp otyr. Bul qarjynyń 26 mlrd teńgesi tegin medıtsınalyq kómek kórsetýge, al, 13,1 mlrd teńge saqtandyrý boıynsha emdeý júrgizýge baǵyttalady. Sondaı-aq, 1,6 mlrd teńge naýqastardy ońaltý jáne qalpyna keltirý úshin bólinip otyr. Buryn medıtsına salasynda qarjy qarastyrylǵan mundaı statıa bolǵan joq. Naýqastardy ońaltý isimen densaýlyq saqtaý salasynda kelisim jasalǵan 25 mekeme aınalysady» -dedi «Mindetti medıtsınalyq saqtandyrý qory» AQ Atyraý oblystyq fılıalynyń dırektory Sábıt Quralbek.