Atyraýlyq jasóspirim ushaq bortynda temeki shekken
Air Astana áýekompanııasynyń «Atyraý – Almaty» baǵytyndaǵy áýe reısi ushyp kelgennen keıin Almaty qalasy áýejaıyndaǵy jelilik polıtsııa bóliminiń qyzmetkerleri áýe kemesi komandıriniń aktisi boıynsha quqyq buzýshyny túsirip aldy. Ol ushý kezinde áýe kemesiniń dárethanasynda temeki ónimderin tutynǵan Atyraý qalasynyń 17 jastaǵy turǵyny bolyp shyqty.
Atalǵan quqyq buzýshy zańdy ókilderiniń qatysýymen QR ÁQBtK-niń 441-babynyń 1, 2-bóligimen ákimshilik jaýapqa tartylyp, oǵan 10 AEK aıyppul túrinde ákimshilik jaza qoldanyldy. Sondaı-aq, kámeletke tolmaǵan jásóspirimniń zańdy ókiline qatysty QR ÁQBtK-niń 127-baby boıynsha ákimshilik is qozǵalyp, 10 AEK mólsherinde ákimshilik aıyppul salyndy.
Esterińizge sala keteıik, jyl basynan beri elimizdiń kólik polıtseıleri túrli ákimshilik quqyq buzýshylyqtar jasaǵany úshin áýe reısinen 395 azamatty túsirdi, onyń ishinde áýe kemesiniń bortynda temeki ónimderin tutynǵany úshin – 130, alkogoldi ishimdikterdi ishkeni úshin 191 jolaýshy túsirilgen.