Atyraýlyq jas ártister qazaqtildi qoıylymmen álem sahnasyn baǵyndyrdy

ATYRAÝ. QazAqparat – Ispanııanyń Lloret de Mar qalasynda ótken «Theatrical Talents» halyqaralyq festıvalinde «Atyraý Jastar teatry» bas júldeni ıelendi, dep habarlaıdy QazAqparat tilshisi.

«Onnan astam eldiń ónerpazdary jınalǵan baıqaýda «Atyraý Jastar teatry» Muqanǵalı Tomanovtyń «Zatmenıe» antıdramasyn sahnalady. Teatr mamandaryn aıtpaǵanda, álemniń ár elinen kelgen kásibı mýzykanttar men horeograftar, prodıýserler men sýretshiler baǵalaǵan baıqaý barynsha ádil ótti degen senimdemin«, – deıdi teatr basshysy Ámirjan Nurlanuly.

Sondaı-aq mádim bolǵandaı, ádil qazylar tóraǵasy Martı Perafefer atyraýlyq jas talanttardy «FITAG-2020» festıvalinde baǵyn synaýǵa shaqyrsa, «Fıestalonııa Mılenıo» uıymynyń prezıdenti Davıd Djaparıdze – Italııa, Frantsııa, Grýzııa elinde ótetin festıvalderge qatysýǵa usynys bildirgen.