Atyraýlyq sýretshi ónerdiń jańa baǵytyn oılap tapty

ATYRAÝ. QazAqparat- Atyraýlyq sýretshi ónerdiń jańa baǵytyn oılap tapty, dep habarlaıdy QazAqparat tilshisi.

«Ou Art» - atyraýlyq qylqalam sheberi Ǵanı Kóbeı oılap tapqan sýret ónerindegi jańa baǵyt osylaı atalady. Jańalyǵy sol - óner ıesiniń ár kartınasyn kórermen belgili bir mýzykany tyńdap turyp qaraýy tıis.

«Avtor óz týyndylaryn «beısana aınasy» dep ataıdy. Onyń kartınalarynan ózińizdi, jan-dúnıeńizdiń áldebir qýys-qaltarystaryn kórýge bolady», - deıdi, sýretshi týyndylary qoıylǵan «AitGallery» galereıasynyń ıesi Kenjebek Aıtqojın.

Kenjebek Aıtqojınnyń aıtýynsha, Ǵanı Kóbeıdiń jańa óneriniń kórmesi Almaty, Nur-Sultan qalalarynda ótip, kelýshilerdiń yqylasyna bólengen. Endi, atyraýlyq ónersúıer qaýym da óz jerlesteriniń jańa ónerine baǵa bere alady.