Atyraýlyq polıtseıler esirtki óndiretin fıto-zerthanany anyqtady

ASTANA. QazAqparat - Atyraýda esirtki zattary bar ósimdikterdi ósirip, saqtaǵan 54 jastaǵy kúdikti anyqtaldy, dep habarlaıdy polisia.kz.

9 qarasha kúni Atyraý oblysy Polıtsııa departamentiniń Ekstremızmge qarsy is-qımyl basqarmasy men Esirtki qylmysyna qarsy is-qımyl basqarmasynyń qyzmetkerleri birlesken jedel-izdestirý sharalary nátıjesinde qala aýmaǵynda quramynda esirtki zattary bar ósimdikterdi ósirip, saqtaǵan 54 jastaǵy kúdiktini anyqtady.
Úıde 50 qarasora butasy, 2 polıetılen qapshyqqa salynǵan salmaǵy 2,7 keli keptirilgen marıhýana, 2 áınek shynyǵa salynǵan shóptiń dánderi tabyldy.

Kúdikti Atyraý qalasy ÝUI-ǵa qamaldy.

Atalǵan derek boıynsha QR QK-niń 296-baby 4-bóligimen, QK-niń 300-baby 1-bóligimen sotqa deıingi tergep-tekserýler bastaldy.

Foto: t.me/POLICE_of_KZ