Atyraýlyq polıtseıler Elbasynyń Joldaýyn talqylady
«Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Memleket basshysynyń Joldaýyn túsindirý maqsatynda QR Parlamenti Senatynyń depýtaty Ǵumar Dúısembaev, Atyraý oblystyq máslıhatynyń depýtaty Ómirzaq Zınýllın atyraýlyq polıtseılermen kezdesti. Jıyndy Atyraý oblysy ІІD bastyǵy polıtsııa polkovnıgi Aıan Dúısembaev júrgizdi.
«QR Prezıdentiniń kezekti Joldaýy qazaqstandyqtardyń ál-aýqatyn kóterýge baǵyttalǵan baǵdarlamalardan turady. Maqsattar aıqyn, mindetter oryndalýyn kútip tur. Tómengi jalaqyny 42 myń teńgege deıin kóterý tapsyrmasy jumyssyzdyqty joıýǵa, sapaly jumys kúshiniń artýyna septigin tıgizedi. Elbasy óz Joldaýynda polıtseılerdiń qyzmetine jiti kóńil bólip otyr. Shtattyq birlikterdi qysqartý esebinen jalaqy mólsherin kóterý -ál-aýqatty jaqsartýmen qatar polıtseılerdi janama fýnktsıonaldyq mindetterden de aryltady. Qoǵam polıtseılerdiń jumysynan oń ózgerister, baǵdarlamalar kútýde, al polıtseılerdiń jumysynyń baǵasy halyq senimdiliginiń jáne turǵyndardyń ózderin qaýipsiz seziný deńgeıimen ólshenetinin atap ótkim keledi», - dedi Senat depýtaty Ǵ.Dúısembaev.
Joldaýda kórsetilgen naqty tapsyrmalar men mindetterdi tarqatqan Atyraý oblysy máslıhat depýtaty Ó.Zınýllın Elbasynyń tapsyrmasymen bıyl Jastar jyly dep jarııalanǵanyn ataı otyryp, jas qyzmetkerlerdi yntalandyrý máselesin eskerý qajettigin aıtty.
«ІІD janynda tálimgerler mektebi jumys jasaıdy. Qyzmetke qabyldanǵan jas qyzmetkerlerdi eńbekke baýlýda, shyńdaýda, olarmen sóılesip jeke bas máselelerine de kóńil bólýge atalǵan mekteptiń septigi zor. Jalpy, Elbasy Joldaýyn oryndaý arqyly polıtsııa qyzmetin jańashyl baǵyttar kútip turǵanyn aıtqym keledi. Atap aıtqanda turǵyndarmen jumys isteýde zamanaýı formattardyń, jańa polıtsııa standarttarynyń jáne jańa nysandyq kıimniń ázirlenýi josparlary bar. Qazirgi ýaqytta «102» qyzmetiniń jańasha jumys isteý tetikteri qarastyrylýda», - dedi oblystyq ІІD bastyǵy Aıan Dúısembaev.
Sondaı-aq jıyn barysynda baǵdarlamalyq qujatta kórsetilgen negizgi baǵyttar, sondaı-aq Prezıdent Ákimshiligimen birge ázirlegen qazaqstandyq polıtsııany jańǵyrtý jónindegi jol kartasyn engizý máselesi, atap aıtqanda ІІM-niń shtattyq sanyn ońtaılandyrý, basqarýshy býyndardyń qysqarýy, polıtsııany artyq fýnktsııalardan aryltý, polıtsııanyń qyzmetin baǵalaý talaptaryn túbegeıli ózgertý jáne onyń jumysyn servıstik modelge kóshirý máseleleri aıtyldy.