Atyraýlyq ózi oqyǵan kolledjdiń aýdıtorııasyn jabdyqtap berdi

ATYRAÝ. QazAqparat - Atyraýda «Bylına» orys etno-mádenı birlestiginiń tóraǵasy Kólik jáne kommýnıkatsııa kolledjiniń «Kólik qurylǵylary» kabınetin jóndeý úshin óz qarajatynan 2 mln teńge bóldi, dep habarlaıdy QazAqparat tilshisi.

«Indýstrııalandyrý jáne ekonomıkany jańǵyrtý baǵdarlamasy aıasynda elimizge bilikti qyzmetkerler qajet etedi. Kabınet bilim berý sapasyn arttyrý jáne stýdentterdiń kásibı biliktiligin arttyrý maqsatynda jabdyqtaldy. Osy turǵyda bilim salasyna jasalǵan bul kómektiń mańyzy zor», - deıdi A. Korablev.

Sondaı-aq, búgingi kúni kabınetke demeýshi Korablevtyń esimi berilip, ınteraktıvti taqta, proektor, ústelder, úsh kompıýter, prınterlermen qamtamasyz etildi. Aldaǵy ýaqytta stýdentterdiń bilim deńgeıin kóterý úshin tehnıkalyq ádebıetterdi, plakattar men jumys modelderin satyp alý josparlanyp otyr.