Atyraýlyq oqýshylar BUU-nyń altyn medaline ıe boldy
Altyn medal oqýshylarǵa BUU-nyń jahandyq 17 maqsatynyń birin júzege asyrǵany úshin berilgen.
«Nazarbaev zııatkerlik mektebiniń oqýshylary Birikken Ulttar Uıymyna «Turaqty damýdyń maqsaty – memleketter arasyndaǵy teńsizdikti tómendetý» jobasyn usyndy. Olardyń MINIBOSS halyqaralyq bıznes-mektebimen birless júzege asyrǵan jobasy álemniń 150 elinen qatysýshylar arasyndaǵy úzdik áleýmettik jobalar qataryna endi. Ótken jyly oqýshylar MINIBOSS halyqaralyq bıznes mektebiniń bilim grantyn jeńip aldy. Jalpy somasy 3 myń eýro kólemindegi bilim berý granty oqýshylarǵa kásipkerlik negizderin meńgerýge jáne startap ıdeıany iske asyrýdy bastaýǵa múmkindik berdi», - dep habarlady bilim ordasynyń baspasóz qyzmeti.
Al, 10-synyptyń oqýshylary Álı Azamatuly men Álııa Dinderbaı qart adamdarǵa arnalǵan joba ázirlegen.
«Basty ıdeıa – zeınet jasyndaǵy adamdardy ártúrli kýrstarǵa qatystyrý arqyly ózin-ózi damytýǵa úndeý. Bilim berý, óner jáne sport oıyndary boıynsha kýrstar men sheberlik sabaǵyn usyndy. Jyl basynda «qarttar marafony» jobasy ulttyq baıqaýda fınalǵa shyǵyp, halyqaralyq deńgeıde el namysyn qorǵaý quqyǵyna ıe boldy. Qashyqtan ótken baıqaý qorytyndysynda atyraýlyq oqýshylardyń jobasyna úzdikter qataryna qosylyp, altyn medal jeńip aldy. Laıyqty qarttyqty qoldaıtyn áleýmettik joba ómir boıy bilim alý jáne zeınetkerlerdi qoǵamdyq ómirge tartý múmkindigi bar ekenin dáleldep otyr», - dep málim etti mekteptiń baspasóz qyzmetinen.
Eske sala ketelik, budan buryn atyraýlyq oqýshylar halyqaralyq bilim olımpıadasynan jeńispen oralǵanyn habarlaǵan edik.