Atyraýlyq oqýshylar asfaltqa Astananyń kelbetin beıneledi

ATYRAÝ. QazAqparat - Atyraý oblystyq ákimdiginiń mańynda qaladaǵy lagerler men qosymsha bilim berý uıymdaryndaǵy oqýshylar arasynda asfaltqa sýret salýdan arnaıy shara uıymdastyryldy, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.

Búgingi shara Atyraý oblystyq bilim berý basqarmasynyń bastamasymen uıymdastyrylyp otyr. «Jazǵy lager demalýshylarynyń Astananyń 20 jyldyǵyna tartýy» dep atalatyn sharanyń negizgi maqsaty balanyń elordaǵa degen mahabbatyn sýret arqyly kórsetý. Balalar jerge salǵan sýretteriniń mazmunyn aıtyp berdi.

Olar Astana qalasyndaǵy ədemi ǵımarattar men Bəıterektiń beınesin ədemi boıaýlarmen saldy. Sonymen qatar, sýretterin oblys əkimi Nurlan Noǵaev tamashalap, balalarǵa óz rızashylyǵyn bildirdi.

Uıymdastyrýshylardyń aıtýynsha, osyndaı sharalardyń ótýi balalardyń sýret salýǵa degen qyzyǵýshylyǵyn oıatady.

«Bizde mamandyrylǵan bilim berý uıymdary bar. Jazda balanyń qabilettiligine qaraı úıirmeler jumys jasaıdy. Bul úıirmelerge qatysqan balalar syrly boıaýmen, basqada qaryndashpen sýretter saldy. Balalar óte belsendi qatysty. Qyzyǵýshylyqtary joǵary boldy. Aldaǵy ýaqyttarda lagerdegi balalardy Atyraý qalasyna saıahat uıymdastyryp, oblystyq mýzeıdi aralatatyn bolamyz», dedi oblystyq bilim berý basqarma basshysynyń orynbasary Zlıha Dúısekenova.

Shara sońynda qatysqan barlyq oqýshylarǵa alǵys hat tabystaldy. Al, úzdik dep tanylǵan 20 balaǵa Qurmet gramotasymen marapattaldy.

Aıta keteıik, bıylǵy jyly qalada 53 mektep janyndaǵy jazǵy lager jumys jasaıdy. Al, oblys boıynsha 150-den astam lager qyzmet jasap jatyr.