Atyraýlyq mektep túlegi álemniń 15 ýnıversıtetinen oqýǵa shaqyrtý alǵan
Sheteldiń úzdik ýnıversıtetteri basshylarynyń qyzǵýshylyǵyn týdyrǵan jas óren Nursıpat Nurmanbetova Atyraý oblysynyń Jylyoı aýdanynda dúnıege kelgen. Qulsary qalasyndaǵy Dalabaı Jazyqbaev atyndaǵy №16 jalpy orta mektepti úzdik bitirgen.
Oqýshy kezinen zerektigimen tanylǵan ol týraly «Eń úzdik» jýrnalynda maqala jarııalanǵan. «Daryndynyń dara joly» kitabynda ómirbaıandyq derekteri jazylǵan. BUU-nyń Model Congress halyqaralyq konferentsııasyna qatysyp, «HHІ ǵasyr úzdiginiń modeli» atanǵan.
Nursıpat Nurmaǵambeovaǵa álemniń eń úzdik 15 ýnıversıtetinen oqýǵa shaqyrtý túsken. Qazir AQSh-tyń Nıý-Iork shtatyndaǵy Peıs ýnıversıtetiniń neırohırýrgııa fakýltetinde bilim alyp júr. Oǵan kampýsta tegin turýǵa arnalǵan grant berilgen. Sondaı-aq, 150 myń AQSh dollary kóleminde stıpendııa taǵaıyndalǵan.
«Áleýmettik jelilerde otandyq medıtsına jıi synǵa ushyraıdy. Árıne, medıtsınada áli de túıindi máseleler bar. Bilikti mamandar tapshylyǵy baıqalady. Biraq, bul máseleniń bári sheshimin tabady dep oılaımyn. Otandyq medıtsınany damytý úshin osy salany tańdadym. Jaqsy bilim men tájirıbe alý úshin shetelde oqýǵa sheshim qabyldadym. Oqýymdy bitirgen soń elge oralamyn. Bolashaqta jeke klınıka ashyp, durys dıagnoz qoıa alatyn, sapaly em júrgize alatyn bilikti maman bolǵym keledi», -deıdi Nursıpat Nurmabetova.
Eske sala ketelik, buǵan deıin Atyraýdaǵy jármeńkede 1 myńnan astam bos jumys orny usynylǵanyn jazǵan bolatynbyz.