Atyraýlyq erli-zaıypty aýladaǵy baqshasynan kúlgin tústi kirpi taýyp aldy
Atyraý qalasynyń turǵyndary erli-zaıypty Sladkovtar aýladaǵy baqshasynan taýyp alǵan kirpiniń fotosyn WhatsApp messendjeri men áleýmettik jelige júktedi.
Fotodaǵy kirpiniń túsi ádettegideı emes.
Shahar turǵyndaryn kirpiniń kúlgin túsi qyzyqtyrdy.
Atyraý qalasy obaǵa qarsy stantsııasynyń epızootologııa jáne asa qaýipti ınfektsııalardyń aldyn alý zerthanasynyń burynǵy meńgerýshisi Fedor Saraevtyń aıtýynsha, óńirde buryn kirpiniń mundaı túsi kezdespegen.
«Jańa týǵan kirpiniń basyndaǵy tikeni ǵana aqshyl tústi bolady. Bastapqyda kirpiniń tikenderi óte jumsaq, jún tárizdi bolatynyn baıqap júrmiz. Óıtkeni, bul – tabıǵattyń anasyna zııan keltirmeý maqsatyndaǵy qubylysy. Kirpiniń tikenegi óse kele sur túske aınalady. Biraq, meniń jumys tájirıbemde kúlgin tústi kirpi kezdesken joq edi», -deıdi Fedor Saraev.
Erli-zaıyptylar bergen sýdy kishkentaı kirpi iship alǵan. Keıin óz jónimen ketip qalǵan.
Eske sala ketelik, buǵan deıin Atyraýdyń irgesindegi eldi mekende jabaıy qabandar júrgenin jazǵan edik.
Jabaıy qabandar Atyraý qalasyna taıaý ornalasqan Erkinqala-2 eldi mekenine kirip ketken.
Aýyldyń turǵyndary WhatsApp messendjerinde kóshede júrgen úsh qabandy vıdeoǵa túsirgen.
Atyraý oblystyq orman sharýashylyǵy jáne janýarlar dúnıesi aýmaqtyq ınspektsııasynyń bas mamany Nurlan Imanǵalıevtyń aıtýynsha, jabaıy qabandar «Aqjaıyq» memlekettik tabıǵı rezervatynan kelýi múmkin.
Onyń aıtýyna qaraǵanda, bul aýylda 1980 jyldary jabaıy qabannyń, ózge de ańdardyń kirgeni jıi baıqalǵan.
Alaıda, odan keıin mundaı oqıǵa tirkelmegen.