Atyraýlyq dzıýdoshy qyzdar Azııa chempıonatynan bir altyn, bir kúmis medal aldy
Oblystyq dene shynyqtyrý jáne sport basqarmasynyń baspasóz qyzmetinen málim etkendeı, atyraýlyq dzıýdoshy Esımgýl Kýıýlova jasóspirimder arasyndaǵy Azııa chempıony atansa, Dana Abdırova kúmis júldege ıe boldy.
Taıland eliniń astanasy Bangkok qalasynda 20-21 shildede ótken dodada 16 elden 174 sportshy baq synady. Bul chempıonatta el namysyn qorǵaǵan sportshylar arasynda atyraýlyq dzıýdoshylar da bar.
Máselen, Esımgýl Kýıýlova 63 keli salmaqta baq synap, irikteý kezeńinde taılandtyq sportshy Mantıra Býnanekten basym tústi. Jartylaı fınalda úndistandyq balýan Ýnnatı Esmıgýlındsharmany utty. Al, aqtyq synda Qyrǵyzstan ókili Ajar Isaevany qapy qaldyrdy.
Bul – Esımgýl Kýıýlovanyń bıylǵy úshinshi jeńisi. Buǵan deıin bıyl Azııa jáne Eýropa kýboginiń ıegeri atanǵan bolatyn.
Taǵy bir dzıýdoshy Dana Abdırova bıylǵy sáýirde Tashkent qalasynda ótken Azııa Kýboginiń ıegeri atanǵan bolatyn. Endi ol Azııa chempıonatynda 57 keli salmaqta synǵa tústi.
«Dana Abdırova irikteý kezeńderinde qazaqstandyq sportshy Dına Muhanbetten basymdyǵyn tanytty. Al, jartylaı fınalda mońǵol balýany Ganbat Mýnhtýıany utqan edi. Tek aqtyq synda Úndistan Respýblıkasynyń ókili Lıntoı Chanambamnan utylyp qaldy. Sóıtip, Azııa chempıonatynda óz salmaǵyndaǵy 13 sportshynyń arasynan ekinshi orynǵa ıe bolyp, kúmis júldeger atandy», -dep habarlady basqarmanyń baspasóz qyzmeti.
Eske sala ketelik, budan buryn atyraýlyq sportshy sambodan Azııa chempıony atanǵanyn jazǵan bolatynbyz.