Atyraýlyq depýtat múgedektigi bar adamdardy shıpajaıda ońaltý shyǵyndaryn óz qoldaryna berýdi usyndy
Atyraý oblystyq máslıhat depýtaty Gúlnaz Qosmyrzıeva forýmnyń paneldik otyrysynda múgedektigi bar adamdardy shıpajaıda ońaltý shyǵyndary tıimsiz ıgerilip jatqanyn másele etip kóterdi.
«Osynda otyrǵan múgedektigi bar azamattardyń bári kelisetin shyǵar. Shıpajaılarǵa bizge qyzmet kórsetý úshin bólinetin qarajatty monetızatsııalaýdy usynamyz. Ásirese arbaǵa tańylǵan múgedektigi bar adamdar eshbir shıpajaıǵa qol jetkize almaı júr. Bıyl memleket bir múdegedektikgi bar adamǵa 200 myń teńgeden astam qarajat bólip otyr. Biraq biz sonyń ıgiligin kórip, sanatorıge baryp jatqan joqpyz. Ótinish, osy aqshany múgedektigi bar adamdardyń ózine berińizdershi. Ol aqshany ózimizdiń ıgilimizge jumsaǵanymyz jaqsy. Óıtkeni qyzmet kórsetýshiler jóndi qyzmet kórsetip jatqan joq», - dedi depýtat.
Bul suraqqa jaýap bergen vıtse-Premer Tamara Dúısenova másele birtindep jolǵa qoıylatynyn aıtty.
«Bul máselede biz 1 shildeden bastap jan basyna shaǵyp qarjylandyrýdy bastaımyz. Ári qaraı damta kele, monetızatsııaǵa jetemiz. Qazir pılottyq joba bastalady, 1 shildeden bastap dep otyrmyn», - dedi Eńbek jáne halyqty áleýmettik qorǵaý mınıstri.