Atyraýlyq boıjetken ekstremıstik jazba jarııalaǵany úshin jaýapqa tartyldy
Atyraý oblysynyń Qurmanǵazy aýdandyq sotynda Qazaqstan Respýblıkasy Ákimshilik quqyq buzý týraly kodeksiniń 453-baby, 1-bóligi boıynsha jasy kámeletke tolmaǵan J.-ǵa qatysty ákimshilik is qaraldy.
«Kámeletke tolmaǵan J. «VKontakte» áleýmettik jelisindegi jeke paraqshasynda ekstremıstik materıaldardy, ıaǵnı Qazaqstan Respýblıkasynyń aýmaǵynda tyıym salynǵan dástúrli emes ýaǵyzshylar «Ibn Ýsaımın» jáne «Dilmurat Abý Mýhamad» dinı materıaldarynyń dybys jazbalaryn júktep, osy ýaǵyzdardy ózi tyńdaǵan», - dep habarlady oblystyq sottyń baspasóz qyzmetinen.
Sotta kámelet jasyna tolmaǵan J. kinásin tolyq moıyndady. Sotqa qatysqan anasy qyzynyń áreketi úshin keshirim surady.
Aıta ketelik, sot J.-ny jaýapkershilikten bosatyp, zańdy túsindirý túrindegi tárbıelik yqpal etý sharasyn qoldandy.