Atyraýlyq bes stýdent halyqaralyq shákirtaqyǵa ıe boldy
H.Dosmuhamedov atyndaǵy Atyraý memlekettik ýnıversıtetiniń janyndaǵy halyqaralyq qatynastar departamentiniń uıymdastyrýymen Ázerbaıjan Respýblıkasynyń 100 jyldyǵyna arnalǵan jáne memleket qaıratkeri Geıdar Álıevtiń 95 jyldyǵyna arnalǵan shara ótken bolatyn.
Bul sharanyń maqsaty- eki eldiń arasynda dostyq qarym-qatynasty damytý, tatýlyq pen birlikti nyǵaıtý.
Atalmysh ýnıversıtettiń stýdentterine 2011 jyldan beri dástúrli túrde taǵaıyndalyp kelgen Ázerbaıjan Respýblıkasynyń Tuńǵysh Prezıdenti Geıdar Álıev atyndaǵy shákirtaqy beriledi.
Sharaǵa Ázerbaıjan Respýblıkasynyń Aqtaý qalasyndaǵy bas konsýly Elhan Zeınalov men «Novrýz» Ázerbaıjan etnomádenı birlestiginiń tóraǵasy Eldar Ahmedov arnaıy kelip, oqýmen qatar qoǵamdyq jumystardaǵy belsendiligimen kózge túsken bes stýdentke ataýly shákirtaqyny tabystady. Stıpendııaǵa dene shynyqtyrý jáne sport mamandyǵynyń stýdentteri Parasat Jumabaı men Raıymbek Ashyqbaev, Erlan Babash, shetel tili mamandyǵynyń stýdenti Farızat Arystan men defektologııa mamandyǵynyń stýdenti Ásemgúl Qojaeva ıe boldy.
Atalǵan shara aıasynda Ázerbaıjan tarıhy men táýelsizdigine úlesin qosqan memleket qaıratkerleri týraly derekti fılm, fotosýretter kórmesi kórsetildi.