Atyraýlyq balabaqsha tárbıeshisi respýblıkalyq baıqaýda úzdik atandy

ATYRAÝ. QazAqparat – Atyraýlyq balabaqsha tárbıeshisi respýblıkalyq baıqaýdyń birinshi júldesin ıelendi, dep habarlaıdy QazAqparat.

Óńirlik kommýnıkatsııalar qyzmetiniń málimetinshe, Isataı aýdanyndaǵy «Nurshýaq» bóbekjaı-baqshasynyń tárbıeshisi Qaraqat Jaqsymbetova «Mektepke deıingi uıymnyń úzdik pedagogi» respýblıkalyq baıqaýynyń jeńimpazy atandy.

Respýblıkalyq baıqaýdy Oqý-aǵartý mınıstrligine qarasty Balalardy erte damytý ınstıtýty uıymdastyrǵan.

Mektepke deıingi uıymdardyń pedagogterin qoldaý jáne yntalandyrý, sondaı-aq, tájirıbe jetildirý arqyly kásibı quzyretti arttyrý maqsatyndaǵy baıqaýǵa óńirlerden 17 tárbıeshi qatysqan.

Baıqaý jeńimpazy atanǵaz atyraýlyq balabaqsha tárbıeshisi Qaraqat Jaqsymbetova «Balany oqytý men damytý protsesinde mentaldy arıfmetıkany ıgerýdiń tıimdiligi» taqyrybynda shyǵarmashylyq jumysyn qorǵaǵan.

«Erejege sáıkes «Men – pedagogpyn» atty kezeńde árbir qatysýshyǵa berilgen ýaqyty boıynsha onlaın suhbat alańyna shyqtym. Óz shyǵarmashylyq jumysymdy qorǵap, baıqaýdyń qazylar alqasy qoıǵan suraqqa jaýap berdim. «Pedagogtiń e-portfolıosy» jáne «Balalarmen ótken qyzyq sát» sekildi bólimine qujattarymdy elektrondy túrde jiberdim», -deıdi jeńimpaz tárbıeshi Qaraqat Jaqsymbetova.

Eske sala ketelik, buǵan deıin UBT-da 132 ball jınaǵan atyraýlyq túlek Ońtústik Koreıa ýnıversıtetine oqýǵa túskenin habarlaǵan bolatynbyz.