Atyraýlyq 3 karateshi álem chempıony atandy
Oblystyq Sport jáne dene shynyqtyrý basqarmasy baspasóz qyzmetiniń málimetinshe, 5-7 qarashada Túrkııanyń Ystanbul qalasynda karate-do shotokannan 11-shi álem chempıonaty ótken.
«Álem chempıonatyna 30-ǵa jýyq eldiń 2 myńnan astam sportshysy qatysty. Bul dodada Erikqalı Qoıshekenov bastap barǵan Atyraý oblysynyń sportshylary alǵash ret baq synady. Tartysty ótken saıysta munaıly óńirdiń karateshileri 3 altyn, 2 kúmis, 2 qola júldege ıe boldy. Onyń ishinde 16-17 jas aralyǵynda Bekzat Saınov (61 keli), eresekter tobynda Manas Temirhanov (67 keli), al áıelder arasynda Venera Turǵanova álem chempıony atandy», - dep málim etti basqarmanyń baspasóz qyzmetinen.
Sondaı-aq, áıelder arasynda kata baǵdarlamasymen synǵa túsken Venera Turǵanova, Gúlnaz Óserbaı (14-15 jas) kúmis júldege, Alına Óserbaı (12-13 jas) men Zarına Asqarqyzy (14-15) qola júldege ıe bolǵan.
Eske salaıyq, buǵan deıin Atyraýdyń taekvondoshy qyzdary halyqaralyq týrnırden 6 altyn medal alǵan edi.