Atyraýlyq 20 myń salyq tóleýshige 6 mlrd teńge kóleminde jeńildik berildi
«Pandemııa kezinde kásipkerlerge de ońaı bolǵan joq. Kópshiligi jumysyn toqtatty. Ony bárimiz de bilemiz. Úkimet tarapynan ondaı kásipkerlerge kómek kórsetilip jatyr. Oblysta 20 myń salyq tóleýshige 6 mlrd teńge kóleminde jeńildik berildi. Odan basqa memlekettik nysandarda ornalasqan 204 shaǵyn jáne orta bıznes oryn-jaıdy jalǵa alý tóleminen bosatyldy. Osyndaı kómek kórsetilip jatyr. Basqa da kómek kórsetemiz», - dedi Atyraý oblysynyń ákimi Ortalyq kommýnıkatsııalar qyzmetindegi baspasóz máslıhatynda.
Sonymen qatar Mahambet Dosmuhambetov BAQ ókilderiniń Atyraý qalasynda ornalasqan jún óńdeý zaýytynyń jabylyp qalý aldynda turýyna qatysty saýalyna jaýap berdi.
«Ol zaýyttyń jaǵdaıyn bilemin. Zaýyt pandemııa kezinde jumysyn toqtatqan joq. Onyń aldynda da jumysy durys júrińkiremeı turǵan. Sondyqtan zaýyt basshylyǵymen jeke kezdesip, máseleni anyqtap, kómek kórsetýge qandaı múmkindik bar ekendigin qarastyrýǵa daıynbyz», - dedi óńir basshysy.