Atyraýǵa qatynaıtyn jolaýshylar poıyzdarynyń kestesi ózgerdi

NUR-SULTAN. QazAqparat – Atyraý qalasyna qatynaıtyn jolaýshylar poıyzdary toqqatyldy, dep habarlaıdy QazAqparat «Jolaýshylar tasymalyna» silteme jasap.

2020 jyldyń 30 naýryzynan bastap Atyraý stantsııasynda jolaýshylardy otyrǵyzý jáne túsirýge, atalǵan stantsııaǵa deıin jáne keıin jol júrý bıletterin satýǵa tyıym salyndy.

29 naýryzdan bastap №692/691 Aqtóbe-Atyraý poıyzdarynyń baǵyty Dossor stantsııasyna deıin qysqarady.

30 naýryzdan bastap №41/42 «Atyraý-Shý jáne №313/314 «Atyraý-Mańǵystaý» baǵyttaryndaǵy, al 1 asáýirden bastap №47/48 «Atyraý-Býrabaı shıpajaıy» baǵytyndaǵy jolaýshylar poıyzdary toqtaıdy.

Atyraý stantsııasyna deıin jáne keıin bılet alyp qoıǵan jolaýshylar bıletterin qaıtaryp, bılet satyp alǵan aqshasyn tolyq qaıtaryp ala alady.

Eske sala ketsek, Atyraý qalasy karantınge jabylatyndyǵy týraly habarlaǵan bolatynbyz.