Atyraýǵa Amsterdamnan ushyp kelgen stýdentterden koronavırýs tabylmady
«3 sáýirde «Air Astana» áýe kompanııasynyń arnaıy reısimen Amsterdamnan Atyraýǵa Qazaqstan-Brıtan tehnıkalyq ýnıversıteti janyndaǵy Teńiz akademııasynyń 24 kadeti men eki oqytýshy ofıtser ushyp kelgen. Buǵan deıin olar Qazaqstanǵa Frankfýrttan karantınge baılanysty reısterdiń toqtatylýy sebebimen kele almaǵan. Atyraýda kadetter eki kún karantın oqshaýlaǵyshynda jatyp, koronavırýsqa test tapsyrdy. Іndet tabylmaǵan soń, stýdentter qaladaǵy qonaqúılerdiń birine úı jaǵdaıyndaǵy karantınge aýystyryldy», - dep habarlady oblystyq densaýlyq saqtaý bólimine silteme jasaǵan óńirlik kommýnıkatsııalar qyzmeti.
Buǵan deıin QBTÝ Qazaqstandyq teńiz akademııasynyń 24 kadeti men eki oqytýshy ofıtser Atlant muhıtynda turǵan kemede 46 kún bolǵany habarlanǵan edi.