Atyraýǵa Amsterdamnan ushyp kelgen 18 stýdentten koronavırýs tabylǵan joq

ATYRAÝ. QazAqparat – Atyraýǵa Amsterdamnan oralǵan 18 stýdentten koronavıýrs tabylǵan joq, dep habarlaıdy QazAqparat.

Keshe, 24 naýryz keshki saǵat 20:30-da Atyraý halyqaralyq áýejaıyna Amsterdamnan bortynda qazaqstandyq 18 stýdent bar ushaq kelip qondy. Olar – elimizdiń ár qalasynda turatyn, Eýropada oqıtyn jastar.

«Olardyń bári koronavırýsqa qarsy jedel testileýden ótti. Sodan soń arnaıy daıyndalǵan oqshaýlaý aımaǵyndaǵy jataqhanaǵa jaıǵasty. Búgin Eýropadan oralǵan stýdentterden alynǵan test qorytyndysy teris nátıje kórsetti. Demek, qazaqstandyq stýdentterden koronavırýs ınfektsııasy tabylǵan joq» -dep habarlady oblystyq densaýlyq saqtaý basqarmasynyń resmı ókili Aslan Jeńisuly.

Stýdentter búgin keshke arnaıy oqshaýlaý aımaǵynan shyǵarylady.