Atyraýdyń jappaı karantınge jabylatyny jaıly aqparat jalǵan – ákimdik
09:00, 01 Sáýir 2021
ATYRAÝ. QazAqparat – Atyraýda qalanyń jappaı karantınge jabylatyny týraly aqparat ótirik bolyp shyqty, dep habarlaıdy QazAqparat tilshisi.
«WhatsApp messendjerinde Atyraý qalasynyń 2 sáýirden bastap jappaı karantınge jabylatyny týraly jańalyqtyń skrınshoty tarap jatyr. Habarlamada qaladan shyǵar jolǵa blokpostar qoıylyp, 1 sáýirdiń tún jarymyna deıin qaladan shyǵyp-kirip alý kerektigi jazylǵan. Habarlama shyndyqqa janaspaıdy. Bul - 2020 jyly jarııalanǵan jańalyqtyń skrınshoty. Qazir qala aınalasynda blokpostar joq, shyǵý jáne kirý joldary ashyq» dep habarlady Atyraý oblysynyń ákimshiliginen.
Eske sala keteıik, sońǵy táýlikte Atyraý oblysynda KVI-dyń 75 jaǵdaıy anyqtalǵan.
Qoǵamdyq densaýlyq saqtaý ulttyq ortalyǵynyń derekterine saı, Atyraý oblysy – COVID-19-dyń taralý deńgeıi boıynsha «qyzyl» aımaqta.