Atyraýdyń úlken bazaryndaǵy órt tolyq sóndirildi

ATYRAÝ. QazAqparat –Atyraýdyń eń úlken bazaryndaǵy órt tolyqtaı sóndirildi, dep habarlaıdy QazAqparat.

«Dına» bazarynyń aýmaǵyndaǵy órt saǵat 20:23-te oqshaýlandy. Oqys oqıǵadan eshkim zardap shekpedi. Órt bolǵan jerde oblys ákiminiń orynbasary, TJD, PD jáne qala ákimdiginiń basshylary júr. Órtti sóndirýge TJD, Atyraý munaı zaýyty, «Qarataban» JShS, «ATMA-áýejaıy» qutqarýshylary jumyldyryldy. Qurylys materıaldaryn satatyn 6 býtık otqa oranǵan», - dep málim etti óńirlik TJD baspasóz qyzmeti.

Olardyń aqparaty boıynsha órt 400 sharshy metr aýmaqty sharpyǵan. Qoldanylǵan sharalar nátıjesinde saǵat 20:58-de bazardaǵy órt tolyqtaı sóndirildi.

Eske sala ketsek, búgin saǵat 18.48-de Atyraý qalasynyń «101» qyzmetine Satybaldıev kóshesindegi «Dına» bazary órtenip jatqany jóninde qońyraý kelip túsken.