Atyraýdyń ortalyq meshitine sadaqa qabyldaıtyn termınal ornatyldy

ATYRAÝ. QazAqparat - Atyraýdaǵy «Imanǵalı» ortalyq meshitine sadaqa qabyldaıtyn termınal ornatyldy, dep habarlaıdy QazAqparat tilshisi.

Atalmysh sharaǵa QR Aqparat jáne qoǵamdyq damý mınıstrligi Din isteri komıtetiniń tóraǵasy Erjan Núkejanov, Atyraý oblysy Din isteri basqarmasynyń basshysy Qaırolla Kóshqalıev qatysyp, jańa bastamaǵa sáttilik tiledi.

«Meshitke duǵa oqytý úshin kelgen jamaǵat sadaqasyn mindetti túrde jáshikke salmaı, termınal arqyly da jibere alady. Ol qarajat tikeleı ortalyq »Imanǵalı« meshitiniń esep-shotyna túsedi. Osylaısha, zamanaýı úlgidegi termınal meshitpen birge, jamaǵat ıgiligi úshin qyzmet etedi», - deıdi Atyraý oblysynyń bas ımamy Batyrjan Mansurov.