Atyraýdyń birneshe shaǵynaýdanynda 5 kún ystyq sý bolmaıdy

ATYRAÝ. QazAqparat – Búgin Atyraý qalasynyń birneshe shaǵynaýdanynda ystyq sý berý 5 kúnge toqtatyldy, dep habarlaıdy QazAqparat tilshisi.

Atyraý oblysynyń energetıkalyq kesheni baspasóz qyzmetiniń málimetinshe, ystyq sý berý búgin, 5 maýsymda toqtatyldy. Bul úzilis 9 maýsymǵa deıin jalǵasady.

««Atyraý jylý júıeleri» AQ 2023 jylǵy 5-9 maýsym aralyǵynda kúrdeli jóndeýdiń josparly kestesine sáıkes jylý pýnktteriniń jabdyqtaryn tekserý jumystaryn júrgizedi. Osyǵan baılanysty keıbir meken-jaılar boıynsha ystyq sý berý ýaqytsha toqtatylady», -dep habarlady baspasóz qyzmeti.

Belgili bolǵandaı, Atyraý qalasyndaǵy úsh jylý berý pýnktinde tekserý júrgiziledi. Sol sebepten, munaıly shahardaǵy SMP-136 shaǵyn aýdanyndaǵy 9, Vokzal mańy-5 shaǵyn aýdanynda 29, M.Baımuhanov kóshesinde 18, Berǵalıev kóshesinde ornalasqan 5, Ogorodnaıa kóshesindegi 16 turǵyn úılerge ystyq sý berilmeıdi.

Eske sala ketelik, buǵan deıinAtyraýda úsh kún qatarynan ystyq sý bolmaıtynyn jazǵan edik.

Keıin shahardyń birneshe shaǵyn aýdanynda ystyq sý ýaqytsha toqtatyldy.

Sondaı-aq, ystyq sý taǵy birneshe kún berilmegenin habarlaǵan bolatynbyz.

Jóndeý jumystaryn Atyraý qalasyndaǵy úsh jylý berý beketinde júrgizildi. Sol sebepten, shahar ortalyǵyndaǵy Álipov, Mahambet, Azattyq, Amangeldi, Smagulov, Dosmuhambetov, ıAblochnaıa kóshelerinde ornalasqan kópqabatty 30 úıdiń turǵyndary ystyq sýsyz otyrady. Sondaı-aq Avangard-3 shaǵyn aýdanyndaǵy kópqabatty 31 úıge ystyq sý ýaqytsha berilmegen edi.