Atyraýdyń bir bóliginde taǵy 4 kún ystyq sý bolmaıdy
Atyraý oblysynyń energetıkalyq kesheni baspasóz qyzmetiniń málimetinshe, bul «Atyraý jylý júıeleri» AQ-nyń jylý pýnktterindegi jabdyqtardy tekserýmen baılanysty bolyp otyr.
«Kúrdeli jóndeý júrgizýdiń josparlanǵan kestesine sáıkes jylý pýnktteriniń jabdyqtaryn tekserý jumystary júrgiziledi. Sol sebepten, 17-21 shilde aralyǵynda Atyraý qalasyndaǵy keıbir mekenjaı boıynsha ystyq sý berý ýaqytsha toqtatylady», - dep habarlady energetıkalyq keshenniń baspasóz qyzmeti.
Máselen, «Temirjol-1» ortalyq jylý pýnktinen S.Datov kóshesindegi №11, 11a, 12, 13, 14, 15, 21. 23, 25, 27, 29, 31, 33, 35a, 35b, 35v, 35g, Dostyq kóshesindegi №2, 3, 4, 5, 6, 7, 8, 9, 10, 11, 12, 13, 14, 15, M.Ótemisuly kóshesinde ornalasqan 134-úıge ystyq sý berilmeıdi. Osy kúnderi «Almagúl-1» ortalyq jylý pýnktinen «Almagúl» shaǵyn aýdanyndaǵy №1, 2, 3, 4, 5, 6, 7, 8, 9, 10, 11, 12, 13, 14, 15, 16 úılerge ystyq sý berý ýaqytsha toqtatylady.
Sondaı-aq, «Abaı» ortalyq jylý pýnktine qaraıtyn Q.Sátpaev kóshesindegi №8, 10, 12, 14, 15a, 16, 18, 22, 24, 26, 28, 30, N.Krýpskaıa kóshesinde ornalasqan №71 úıde de ystyq ystyq sý berýdi ýaqytsha toqtatý josparlanǵan.
Eske sala ketelik, buǵan deıin Atyraýda ystyq sý berý taǵy 4 kúnge toqtatylatynyn habarlaǵan bolatynbyz.