Atyraýdyń 500-ge jýyq turǵyny ataýly áleýmettik kómek alýǵa ótinish berdi
Atyraý qalasy ákiminiń baspasóz qyzmetiniń habarlaýynsha, Ataýly áleýmettik kómektiń jańa formatyna turǵyndardan qujattar qabyldaý bastalǵan.
Qalalyq jumyspen qamtýdy úılestirý jáne áleýmettik baǵdarlamalar bóliminiń basshysy Nurly Habıevanyń aıtýynsha, 1 sáýirde 500-ge jýyq adam AÁK-ke ótinish bildirdi.
«Atyraý qalasyndaǵy AÁK-ti jańa formatta alý úshin qujattardy qabyldaý tórt mekemede - qalalyq jumyspen qamtý ortalyǵy men 3 halyqqa qyzmet kórsetý ortalyǵynda júrgiziledi. Onda turǵyndar qajetti qujattar tizimi men kómek alý úshin qajetti jaǵdaılar týraly mamandardyń barlyq keńesterin alady. Sol jerde qujattar qabyldanady. Tutastaı alǵanda, qaladaǵy qujattardy qabyldaý qalypty rejimde ótip jatyr»,- deıdi qalalyq jumyspen qamtýdy úılestirý jáne áleýmettik baǵdarlamalar bóliminiń basshysy Nurly Habıeva.
Qujattardy qabyldaýdyń alǵashqy kúni AÁK-ti alý úshin tıisti organdarǵa 474 adam ótinish bildirip, olardyń 50-i qaraýǵa qabyldandy.
«1 sáýirden bastap qujattardy qabyldaý aıtarlyqtaı ońaılatylǵan jáne AÁK-ti alý úshin jeke kýálik pen tıisti ótinish berý jetkilikti. Maqsatty áleýmettik kómek qujat qaralǵan aıdan bastap esepteledi jáne ótinish berý kúni esepke alynbaıdy», - dedi Nurly Habıeva.
Aıta keteıik, Qazaqstan Respýblıkasy Prezıdentiniń 1 sáýirdegi tóraǵalyǵyndaǵy bekitilgen AÁK mólsheri 50% -dan 70% -ǵa deıin ulǵaıtyldy, bul kem degende 20 789 teńgeni quraıdy. Nátıjesinde, tólengen járdemaqylardyń sany 571,6 myń adamnan 830 myń adamǵa deıin esepti quraıdy. Sonymen qatar, eger árbir otbasy múshesiniń ortasha mólsheri buryn 4 834 teńgeni qurasa, onda sáýirden bastap árbir balaǵa 20 789 teńge tólenedi.
Ataýly áleýmettik kómek taǵaıyndaý týraly keńeske «111» biryńǵaı baılanys ortalyǵynyń nómiri boıynsha qol jetkizýge bolady.