Atyraýdyń 4 turǵyny áleýmettik jelide ekstremıstik sıpattaǵy materıaldar taratqan
Oblystyq polıtsııa departamentiniń bastyǵy Qamza Úmbetqalıevtiń aıtýynsha, ekstremızmge qarsy is-qımyl basqarmasynyń qyzmetkerleri monıtorıng jasaý kezinde 4 adamnyń áleýmettik jelige ekstremıstik sıpattaǵy aýdıo jáne vıdeofaıldardy júktegenin anyqtaǵan.
«Onyń ekeýi – 29 jastaǵy áıel men 38 jastaǵy er adam «VKontakte» áleýmettik jelisinde dinı mazmundaǵy aýdıofaıldar men fotosýretterdi jarııalap kelgen. Al, 32 jáne 23 jastaǵy qala turǵyndary «VKontakte» áleýmettik jelisine aýdıojazbalarmen qatar, qoǵamnyń dinı tutastyǵyn buzýdy maqsat etetin fotosýretter jarııalaǵan. Bul Qazaqstan aýmaǵynda nasıhattaýǵa tyıym salynǵan jazbalar bolyp shyqty», -deıdi Qamza Úmbetqalıev.
Osy derekterge qatysty alǵashqy eki adamǵa QR Ákimshilik quqyqbuzýshylyq týraly Kodeksiniń 490-baby, 1-bóliginiń 3-tarmaǵymen, al, sońǵy ekeýine 453-babynyń 2-bóligimen hattama toltyrylyp, ákimshilik sotqa joldandy.
Eske sala ketelik, buǵan deıin Atyraýda 24 mln teńgeniń esirtkisin satpaq bolǵan dinı aǵym ókilderiniń ustalǵany jaıly habarlanǵan bolatyn.