Atyraýdy medıtsına qyzmetkerlerine arnap toǵyz qabatty úı salyp jatyr
«297 páterli úı - qarqyndy damyp kele jatqan «Nursaıa» yqsham aýdanynda salynyp jatqan zamanaýı turǵyn úı kesheni. Keshenniń jalpy aýdany - 20 myń sharshy metr. Turǵyn úı keshenin salýǵa jalpy 3,3 mlrd teńge jumsalyp otyr. Osy joba úlestik qatysý negizinde iske asyrylýda. ıAǵnı, úıdiń qurylysyna jergilikti qurylys kompanııalarynyń biri jáne «Atyraý» áleýmettik-kásipkerlik korporatsııasy qarajat quıǵan. Jańa úıdegi páterler, eń aldymen, medıtsına qyzmetkerlerine satylady. Bul ýákiletti uıym usynǵan tizimge sáıkes jasalady. Úı qurylysyna suranys bar ári ol az da emes. Qazirgi ýaqytta turǵyn úı keshenindegi otyz bir páterdi satyp alý-satý kelisimderi jasaldy. Satylǵan páterler turǵyn úı kesheniniń tutas bir bóligin quraıdy. Medıtsınalyq qyzmetkerlerge jáne basqa da áleýmettik salalarda jumys isteıtinderge, onyń ishinde muǵalimderge turǵyn úı satý «Turǵynúıqurylysjınaqbankiniń» Atyraý fılıaly arqyly júzege asyrylady. Bul qaryz alýshy úshin óte qolaıly sharttar. Bastapqy jarnasy satylatyn baspana qunynyń, ıaǵnı páter baǵasynyń nebári 20 paıyzyn quraıdy. Nesıeniń ortasha jyldyq mólsheri - 6 paıyz. Bul da kóp emes. Bir sharshy metrdiń baǵasy 180 myń teńgege baǵalanyp otyr», - dep málimdedi Atyraý qalasy ákimdiginiń baspasóz qyzmeti.
Ákimdik ókilderiniń aıtýynsha, turǵyn úı kesheni keler jyldyń aıaǵyna qaraı paıdalanýǵa tapsyrylýy tıis.