Atyraýdan 11 myń tonna óńdelgen balyq eksporttaldy
20:05, 17 Aqpan 2021
ATYRAÝ. QazAqparat – Byltyr Atyraý oblysynan 11 myń tonna óńdelgen balyq eksporttaldy, dep habarlaıdy QazAqparat.
Oblys ákimi Mahambet Dosmuhambetovtiń málim etýinshe, ótken jyly óńir balyqshylary 11 myń 600 tonna balyq aýlaǵan. Onyń 11 myń tonnasy óńdelip, 98% shetel naryǵyna shyǵaryldy. Qazir balyq sharýashylyǵy salasynda 4 800 adam eńbek etedi.
«Qazir óńirde balyq sharýashylyǵy salasyn damytý úshin QR Ekologııa, geologııa jáne tabıǵı resýrstar mınıstrligine 8 joba usynyldy. Onyń qatarynda toǵan sharýashylyǵyn damytýǵa baǵyttalǵan 6 joba bar. Sondaı-aq, balyq shabaǵyn ósirý, balyq shabaǵyn ósirý zaýytyn keńeıtý jobalaryn iske asyrý josparlanyp otyr», - deıdi Mahambet Dosmuhambetov.
Eske sala ketelik, budan buryn Atyraý oblysynda balyq ósirýge 2 mlrd teńge ınvestıtsııa
salynatynyn habarlaǵan edik.