Atyraýdaǵy Jylyoı aýdanynda turǵyndardy aýyz sýmen qamtý máselesi sheshilýde

ATYRAÝ. QazAqparat  - Jylyoı aýdanynda Qulsarydaǵy kóp qabatty turǵyn úılerdi aýyz sýmen qamtý máselesi sheshilip jatyr. «QazTransOıl» AQ magıstraldy sý taratqyshy Qulsary qalasynda sý berý mólsherin táýligine 9400-den 12000 tekshe metrge deıin kóterdi, dep habarlaıdy QazAqparat tilshisi Jylyoı aýdany ákiminiń baspasóz qyzmetine silteme jasap.

Jylyoı aýdanynda uzaq jyldan beri jazǵy maýsymda kóp qabatty turǵyn úılerdi aýyz sýmen qamtý ózekti problema bolyp kelgen edi.

 Aýdan  ákimdigi men «QazTransOıl» AQ  ókilderinen quralǵan ekijaqty komıssııa otyrysynyń qorytyndysy boıynsha magıstraldy sý taratqyshtan táýligine beriletin sý mólsherin 9400-den 12000  tekshe metrge deıin kóterý týraly sheshim qabyldandy.

«Oblys basshylyǵynyń «QazTransOıl» AQ-men kelisimine sáıkes, ekijaqty komıssııa quryldy. Komıssııa músheleri Qulsaryda beriletin sý mólsherin kóbeıtýge sheshim qabyldady. Jaz mezgilinde kúnniń ystyǵy kesirinen ásirese kóp qabatty turǵyn úılerdiń joǵary qabatynda turatyndar sý problemasyna baılanysty qıyndyq kóretin edi. Beriletin sý kóleminiń kóbeıýi arqasynda problema sheshildi, -deıdi aýdan basshysy Azamat Beket.