Atyraýdaǵy temirjol vokzalynda 30 jastaǵy áıelden 80 dinı kitap tárkilendi
Kóliktegi polıtsııa departamentiniń baspasóz qyzmetinen málim etkendeı, Atyraý stantsııasyndaǵy jelilik polıtsııa bóliminiń qyzmetkerleri temirjol vokzalynda jedel-izdestirý is-sharasyn júrgizgen.
«Іs-shara kezinde Atyraý qalasynyń 30 jastaǵy turǵyny anyqtalyp, ustaldy. Tekserý barysynda odan dinı mazmundaǵy 80 kitap tabylyp, tárkilendi. Kólik polıtseıleri atalǵan azamatshaǵa qatysty QR Ákimshilik quqyq buzýshylyq týraly kodeksiniń 490-baby 1-bóliginiń 3-tarmaǵymen (Dinı ádebıetti jáne dinı mazmundaǵy ózge de materıaldardy, dinı maqsattaǵy zattardy ákelýge, ázirleýge, shyǵarýǵa, basyp shyǵarýǵa jáne (nemese) taratýǵa belgilengen talaptardy buzý) ákimshilik hattama toltyrdy. Іs materıaldary sotqa joldandy», - dep habarlady departamenttiń baspasóz qyzmeti.
Atyraý qalasynyń mamandandyrylǵan aýdanaralyq ákimshilik sotynyń qaýlysymen quqyq buzýshy ákimshilik jaýapkershilikke tartylyp, oǵan 172 500 teńge mólsherinde aıyppul salyndy.
«Elimizdiń «Dinı qyzmetter jáne dinı birlestikter týraly» zańyna sáıkes dinı ádebıetterdi, dinı sıpattaǵy materıaldar men zattardy taratý tek dinı rásimdik ǵımarattarda, dinı bilim mekemelerinde jáne jergilikti atqarýshy organdar bekitken arnaıy statsıonarlyq oryndarda ǵana júzege asyrylady. Soǵan baılanysty turǵyndarǵa atalǵan zań talabyn qatań saqtaýdy eskertemiz», - dep málim etti departamenttiń baspasóz qyzmeti.
Eske sala ketelik, buǵan deıin Atyraý bilim basqarmasy mektep formasyna dinı kıim elementin qosýǵa ruqsat berilmeıtinin málim etkenin jazǵan edik.