Atyraýdaǵy sýpermarketter bir taýardy ártúrli baǵada saýdalaǵan
Áleýmettik mańyzy bar azyq-túlik taýarlarynyń baǵasyna monıtorıng júrgizý barysynda Qazaqstan Respýblıkasy Básekelestikti qorǵaý jáne damytý agenttiginiń Atyraý oblysy boıynsha departamenti birqatar sýpermarketterdiń is-áreketterinde zańnamany buzý belgilerin anyqtady.
Belgili bolǵandaı, bir saýda jelisine jatatyn sýpermarketterde bir taýarǵa, atap aıtqanda, jemis-kókónis ónimderine, kúnbaǵys maıyna, makaron ónimderine jáne qaraqumyq jarmasyna ártúrli baǵalar qoldanylǵan, bul Qazaqstan Respýblıkasy Kásipkerlik kodeksiniń 174-babynyń 2) tarmaqshasyna qaıshy keledi. Úsh saýda jelisiniń sýpermarketterinde buzýshylyqtar anyqtaldy.
Osyǵan baılanysty, Departament naryq sýbektisiniń áreketterinde (áreketsizdiginde) Qazaqstan Respýblıkasynyń básekelestikti qorǵaý salasyndaǵy zańnamasyn buzý belgileriniń bolýy týraly habarlamalar shyǵardy jáne ony naryq sýbektileri qabyldaǵan kúnnen bastap 30 kúnnen keshiktirilmeıtin merzimde oryndalýǵa jatady.