Atyraýdaǵy mamandandyrylǵan HQO halyqqa 50 myń qyzmet túrin kórsetken

ATYRAÝ. QazAqparat – Atyraýdyń mamandandyrylǵan halyqqa qyzmet kórsetý ortalyǵy jarty jylda halyqqa 50 myńnan astam qyzmet túrin kórsetken, dep habarlaıdy QazAqparat.

Aıta keteıik, ortalyqtyń ashylǵanyna alty aı ǵana bolǵan.

«Tsıfrlandyrýdyń arqasynda kelýshiler qyzmetterdiń jartysyn elektrondy túrde alyp júr. Bul bizdiń de, olardyń da ýaqytyn aıtarlyqtaı únemdeıdi. Sondaı-aq, qyzmet sapasyna da ıgi áser etedi. Bolashaq avtojúrgizýshilerge tıisti daǵdylardy kórsetý úshin arnaıy 4 jeńil kólik qarastyrylǵan. Ýaqyt óte kele taǵy birneshe avtobýs pen júk kóligin alamyz dep otyrmyz. Shilde aıynyń ózinde ortalyq 2,5 myń júrgizýshi kýáligin úlestirdi», - deıdi «Azamattarǵa arnalǵan úkimet» KEAQ oblystyq fılıaly dırektorynyń orynbasary Turlan Erjanov.

Mamandandyrylǵan HQO-da sondaı-aq medıtsınalyq kabınet, dámhana jáne bank kassasy ornalasqan.