Atyraýdaǵy qalyń qar: qala ákimi jumysty júıeleı almaǵany úshin qyzmetinen ketýi múmkin
Atyraý qalasynyń ákimdigi qar jaýatynyn birneshe kún buryn bildi. Sınoptıkter aldyn ala dabyl qaqty. «Shtab joq degen sóz, qalanyń jumysynda júıelilik joq» degendi bildiredi. Oblysqa qarasty barlyq aýdan jedel shtabpen jumys istep otyr. Árkim óziniń fýnktsıonaldyq mindetin bilýi kerek. Eń birinshi kezekte halyq pen qoǵamdyq kólikter kóp júretin joldar ashylýy tıis dep sheshim qabyldadyq. Alaıda, jumys kórinbeıdi. Áleýmettik jelide turǵyndar áli de narazy. Qala ákimine bir aptada algorıtm jasaqtap, shtab qurýdy tapsyramyn. Sall-ortalyqtardyń jumysyn júıeleý kerek. Eger naqty nátıje bolmasa, ne tártiptik, ne kadrlyq sheshim qabyldaımyn
, - dedi Serik Shápkenov.
Degenmen, Atyraý qalasynyń ákimi Meıirim Qalaýıdyń aıtýynsha, qalada jumys júrip jatyr. Áleýmettik nysandar men ortalyq kóshe, ortalyq kópirdi tazalaýǵa «Arnaıy avtobaza» JShS-nen 76 tehnıka, 250 jumysshy jumyldyrylǵan. Qaladan 8 aqpanǵa deıin 2 000 sharshy metr qar shyǵarylyp, 85 tonna reagent sebildi. Biraq, aýyldyq okrýgterde olqylyq bar.
«Erkinqala, Damby, Qaıyrshaqty aýyldyq okrýgteriniń eldi mekenderine qar kóp jınalǵandyqtan, qoǵamdyq kólikter kire almady. Bul turǵyndardyń narazylyǵyn týdyrdy. Qazir atalǵan okrýgterde qar tazalanyp jatyr. Qysqa daıyndyq kezinde bizde arnaıy shtab qurylady. Alaıda, qazir shtab jumys istep turǵan joq. Qalaǵa qarasty aýyldyq okrýgterge qysqa daıyndyq kezinde qajetti tehnıka alyndy. Biraq, áli kúnge júrgizýshisi joq. Okrýgterge qural-jabdyq, tehnıka, qarajat bólinse de, ákimder iske asyra almaı otyr. Onyń bárin ózimiz uıymdastyryp berdik», - dedi Meıirim Qalaýı.
Eske sala ketelik, buǵan deıin Atyraýdy qalyń qar basyp, kólik qozǵalysy qıyndaǵanyn jazǵan edik. Sondaı-aq, Atyraýda kún raıynyń qolaısyzdyǵynan 2,5 kúnde 190 adam jaraqat alǵan.