Atyraýdaǵy «Erlikten eldik aıaldamasyna deıin» sherýine 900-den astam turǵyn qatysty

ATYRAÝ. QazAqparat - Atyraý oblysynda Uly Jeńistiń 73 jyldyǵyna oraı «Erlikten eldik aıaldamasyna deıin» degen ataýmen sherý ótti, dep habarlaıdy QazAqparat tilshisi.

Bul shara - el tynyshtyǵy úshin, beıbit ómir úshin surapyl soǵysta janyn aıamaı jaý soqqysyna tótep berip jerimizdi qorǵap qalǵan ata-babalarymyzdy, batyr ardagerlerimizdi eske alýǵa arnaldy.

Atalmysh shara  Ekinshi dúnıejúzilik soǵysynda qaza tapqan sarbazdar men búginde aramyzda joq maıdangerlerdi bir mınýt únsizdikpen eske alýmen bastaldy.

Áskerı orkestrdiń áýenimen soǵysqa qatysqan týystarynyń sýretterin alyp júrgen 900-den  astam qala turǵyny Jeńis saıabaǵyndaǵy Máńgilik alaýǵa gúl shoqtaryn qoıdy. Atyraý qalalyq əkimdiginiń qoldaýymen jəne qalalyq jastar resýrstyq ortalyǵynyń uıymdastyrýymen ótken bul sharada beıbit kúndi beıneleıtin aq kógershinder kókke ushyryldy.

Osynda jınalǵandar maıdanda qaza tapqan jáne habarsyz ketken ata-babalarynyń sýretin kóterip, ortalyq kóshe boıymen Jeńis saıabaǵyna qaraı  júrdi.  Otty jyldarda Gýrev oblysynan 42 509  myń ásker attanǵan. 29 222-si ǵana týǵan jerge aman-esen oraldy. Resmı derekke súıensek, 13 000 jaýynger shaıqasta qaza tapqan. Olardyń basym kópshiligi habarsyz ketken. Al urys dalasynan aman-esen  oralǵandar halyq sharýashylyǵynyń túrli salasynda eńbek etti. 

Aıta ketý kerek, bul dástúrli shara Atyraý qalasynda 2015 jyldan beri ótkizilip keledi.