Atyraýdaǵy dárihanalarǵa 100 myń dana maska jetkiziledi
16:47, 13 Naýryz 2020
ATYRAÝ. QazAqparat –Atyraý oblysynyń dárihanalaryna 100 myń dana medıtsınalyq maska jetkiziledi, dep habarlaıdy QazAqparat.
Bul týraly Atyraý oblystyq taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Amantaı Jumaǵalıev málim etti.
«Qazir Atyraý oblysyndaǵy dárihanalarda 21 800 dana medıtsınalyq bir rettik maska bar. Buǵan qosymsha «Medfarm ımport» JShS 100 myń dana kóp ret qoldanatyn betperde alý úshin «QazTehIndýstrııa» kompanııasymen kelisimshart jasady. Atyraýǵa medıtsınalyq maska jaqynda jetkiziledi», - dedi Amantaı Jumaǵalıev.