Atyraýdaǵy dámhanada ırlandııalyqty uryp ketti
08:01, 25 Qarasha 2019
ATYRAÝ. QazAqparat – Atyraýda Irlandııa azamatyn uryp-soqqan kúdikti jergilikti turǵyn ustaldy, dep habarlaıdy QazAqparat tilshisi.
Tóbeles dámhanalardyń birinde bolǵan. 35 jastaǵy Atyraý turǵyny belgisiz sebeptermen 33 jastaǵy Irlandııa azamatyn uryp-soqqan. Tóbelesti kórgen dámhanadaǵy qonaqtar polıtsııa men jedel járdem brıgadasyn shaqyrǵan. Dárigerler sheteldikke moıny zaqymdalyp, túrli jaraqat aldy degen dıagnoz qoıdy, alaıda ol aýrýhanaǵa jatýdan bas tartty.
«Polıtsııa sheteldikti jaraqattaǵan kúdiktini ustady. Saraptama taǵaıyndalyp, QR QK 107-baby (Densaýlyqqa qasaqana aýyrlyǵy ortasha zııan keltirý) boıynsha sotqa deıingi tergeý jumystary júrgizilip jatyr», - dep túsindirdi Atyraý oblystyq Polıtsııa departamentinen.