Atyraýdaǵy birneshe eldi mekende taǵy jaryq bolmaıdy

ATYRAÝ. QazAqparat – Atyraýdyń birneshe eldi mekeni men shaǵyn aýdanynda taǵy jaryq bolmaıdy, dep habarlaıdy QazAqparat tilshisi.

Atyraý oblysynyń energetıkalyq kesheni baspasóz qyzmetiniń málimetinshe, erteń, 18 shildede shahar mańyndaǵy birneshe eldi meken men shaǵyn aýdanda jaryqty óshirý josparlanyp otyr.

«Erteń, 18 shildede elektr jelisindegi kúrdeli jóndeý jumystaryn qaýipsiz júrgizý maqsatynda keıbir mekenjaılarda jaryq sóndiriledi. Jóndeý jumystaryn «Atyraý Jaryq» AQ qalalyq elektr júıeleriniń mamandary júrgizedi», - dep habarlady energetıkalyq keshenniń baspasóz qyzmeti.

Belgili bolǵandaı, jergilikti ýaqytpen saǵat 09:00-17:00 aralyǵynda Atyraý qalasyndaǵy «Vokzal mańy-3a» shaǵyn aýdanynda ornalasqan №16a,17a,18a,20a,21a, 22a úılerde, Ǵ.Qurmanǵalıev, J.Moldaǵalıev, Á.Sarsenbaev, Afanasev, Náýbetov kósheleri men Adyrys ótkelinde, Erkinqala aýylyndaǵy Esqalıev, Amanov kóshelerinde elektr jaryǵy bolmaıdy.

Al, saǵat 09:00-den saǵat 18:00-ge deıin Bereke kentindegi Qobylandy batyr, Sh.Ýálıhanov kóshelerinde, saǵat 10:00-15:00 aralyǵynda Saryqamys shaǵyn aýdanyndaǵy Bóken bı kóshesindegi №17, Sh.Qudaıbergenov kóshesindegi №1, Bókeev kóshesindegi №17 jáne M.Ǵabdýllın kóshesindegi №11 úıge elektr qýaty berilmeıdi.

Sondaı-aq saǵat 10:00-17:00 aralyǵynda Konteırnyı, Bereke shaǵyn aýdandarynda, Jeruıyq shaǵyn aýdanyndaǵy Nárembaev kóshesinde, Nursaıa shaǵyn aýdanynda ornalasqan Elorda dańǵylynda, Geolog, Birlik eldi mekenderin elektrmen qamtý jumysyn ýaqytsha toqtatý josparlanǵan.

Eske sala ketelik, buǵan deıin Atyraýda elektr qýatynyń qaıta-qaıta óshýine ne sebep bolǵanyn habarlaǵan edik.