Atyraýda jylqylarǵa qatygezdik kórsetkenderdiń isin polıtsııa qarap jatyr

ATYRAÝ. QazAqparat – Atyraýda janýarlarǵa qatygezdik jasaǵandardyń isin polıtsııa tekserip jatyr, dep habarlaıdy QazAqparat tilshisi.

«Áleýmettik jelide er adam atty basynan baltamen uryp óltirip jatqan vıdeo tarady. Ol kóptiń yzasyn týdyrdy. Vıdeonyń Mahambet aýdanynyń Bereke kentinde úı janýarlary soıylatyn tsehta túsirilgeni anyqtaldy.

Qazir osy derek boıynsha QR Qylmystyq kodeksiniń 316-babynyń («Janýarlarǵa qatygezdik jasaý») 1-bóligi boıynsha sotqa deıingi tergep-tekserý júrip jatyr», - dep málimdedi oblystyq polıtsııa departamentiniń baspasóz qyzmeti.

Attardyń basynan baltamen urǵan er adamnyń kim ekeni anyqtalyp, ustaldy. Ol sotqa deıingi tergep-tekserý aıasynda tergelip jatyr.

Avtory: A. Sokolov